1 марти соли равон дар Академияи идоракунии давлатии назди Президенти Ҷумҳурии Тоҷикистон барои масъулони мақомоти давлатӣ оид ба пешгирии бемориҳои сироятӣ, мудофиаи гражданӣ, пешгирӣ аз сӯхтор ва дигар ҳолатҳои садамавӣ курси такмили ихтисос оғоз гардид, ки он то 6 марти соли равон идома меёбад.
Дар оғози ифтитоҳи курси такмили ихтисос ноиби ректор оид ба таълими Академия Сафаров Даврон ва директори Донишкадаи такмили ихтисос ва бозомӯзии хизматчиёни давлатӣ Ибодат Ғанизода иштирок ва суханронӣ намуданд.
Ҳамзамон, имрӯз сардори Раёсати амнияти санитарию эпидемиологӣ, ҳолатҳои фавқуллода ва кӯмаки фаврии тиббии Вазорати тандурустӣ ва ҳифзи иҷтимоии аҳолии Ҷумҳурии Тоҷикистон Наврӯз Ҷаъфаров доир ба вазъи пешгирии бемориҳои сироятӣ дар Ҷумҳурии Тоҷикистон ба шунавандагон маърӯза намуд.
Номбурда зимни баромади хеш аз ҷумла доир ба сохтори санитарӣ эпидемиологии кишвар ба ҳозирин маълумот дода, ҳамзамон доир ба усулҳои пешгирии бемориҳои сироятӣ низ ба шунавандагон маърӯзаи пурмуҳтаво намуд.