Таи рӯзҳои 21-26 майи соли равон бо ибтикорӣ Маркази ташаккули тарзи ҳаёти солими вилояти Суғд як қатор чорабиниҳои фаҳмондадиҳӣ дар самти пешгириву роҳҳои муолиҷаи маризиҳои мухталиф, тарғибу ташвиқи тарзи ҳаёти солим баргузор гардид. Аз ҷумла санаи 21 май дар рӯзи дави Миллӣ аз тарафи марказ дӯкони саломатӣ ва дӯкони саломатии сайёр ташкил карда шуда ба ҷавонон маводҳои иттилоотӣ оиди пешгирии бемории сил, сурхча ва гулафшон, тамокукашӣ ва нашъамандӣ тақсим карда шуда бо воситаи баландгӯяки нақлиёти марказ оиди фоидаи варзиш, ҳафтаи имунизатсияи иловагӣ, зарари тамоку ва оқибатҳои нашъамандӣ маълумот дода шуд. Ҳамчунин таи рӯзҳои 22-26 майи соли равон аз ҷониби мутахасисони марказ ҷиҳати пешгирии ҳолатҳои тамокукашӣ, роҳу усулҳои пешгирии маризии илтиҳоби шуш, тарзу услуби мубориза бар зидди бемориҳои сурхча ва гулафшон дар ҳамкори бо намояндагони ВАО дар телевизиону радиоҳои маҳҳалӣ баромаду гуфторҳо сурат гирифт.
Инчунин дар санаи 24 май дар Кохи фарҳанги шаҳри Хуҷанд ситоди вилоятӣ бо намояндагони МИҲД-и шаҳру ноҳияҳои вилоят, прократура, Раёсати тандурустӣ, ҳифзи иҷтимоии аҳолии вилоят, марказҳои назорати давлатии санитарию эпидемиологӣ, менеҷерони КАТС ва марказҳои ташаккули тарзи ҳаёти солими шаҳру ноҳияҳои вилоят оид масъалаҳои фавти модару кӯдак, маъюбӣ ва бемории шадиди рӯдаю меъда баргузор гардид. Дар чорабинии мазкур мушкилот ва пайёмадҳои фавти модару кӯдак, маъюбӣ ва бемории шадиди рӯдаю меъда ва роҳу усуслҳои аз байн бурдани проблемаи дар соҳа вуҷуд дошта мавриди таҳлилу баррасӣ ва омӯзиш қарор дода шуд.
![](https://moh.tj/wp-content/uploads/2018/04/8678.jpg")
