Имрӯз, 9 марти соли равон дар меҳмонхонаи Серенаи шаҳри Душанбе нахустин ҷаласаи Шӯрои машваратӣ ва ҳамоҳангсозӣ оид ба ҳифзи саломатии модар ва кӯдак дар соли 2021 баргузор гардид, ки дар кори он муовини вазири тандурустӣ ва ҳифзи иҷтимоии аҳолии Ҷумҳурии Тоҷикистони Зулфия Абдусаматзода, Сардори Раёсати ташкили хизматрасониҳои тиббӣ ба модару кӯдакон ва танзими оилаи Вазорати тандурустӣ ва ҳифзи иҷтимоии аҳолии Ҷумҳурии Тоҷикистон Зоир Набиев, сардорони шӯъбаҳои педиатрии вилояти Суғд, ноҳияҳои тобеи ҷумҳурӣ, мутахассисони варзидаи соҳаи педиатрия, инчунин, шарикони рушд иштирок намуданд.
Зулфия Абдусаматзода, муовини вазири тандурустӣ ва ҳифзи иҷтимоии аҳолии Ҷумҳурии Тоҷикистон вобаста ба ҳадаф ва мақсади баргузории ҷаласаи мазкур суханронӣ карда, ҳамзамон доир ба дастгирӣ ва таваҷҷуҳи хосаи Ҳукумати Ҷумҳурии Тоҷикистон ба масъалаҳои солимии модар ва кӯдак низ ибрози андеша намуд.
Дар идомаи ҷаласа як қатор иштирокдорон доир ба масъалаҳои гуногуни ҷаласа маърӯзаҳои пурмуҳтаво намуданд, ки атрофи онҳо аз ҷониби иштирокдорон мубодилаи афкор сурат гирифт.
![](https://moh.tj/wp-content/uploads/2018/04/8678.jpg")
