Бо мақсади иҷрои дастуру супоришҳои Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар самти тақвият бахшидани корҳои ободониву созандагӣ ба истиқболи ҷашни бузурги миллӣ-30-солагии Истиқлолияти давлатии Ҷумҳурии Тоҷикистон, омодагӣ ба ҷашни Наврӯзи байналмилалӣ, ҳамзамон ҷиҳати тозаву озода нигоҳ доштани биноҳои маъмурию ҷойҳои корӣ рӯзҳои шанбеи ҳар ҳафта дар муассисаҳои тандурустии кишвар ҳашарҳои дастаҷамъона ташкил ва гузаронида мешаванд.
Зимни баргузории ҳашарҳои дастаҷамъона гирду атрофи муассисаҳои тандурустӣ тозаву озода карда шуда, бехи дарахтон нарм карда мешавад. Инчунин, бо мақсади сабзу хуррам гардонидани саҳни ҳавлии муассисаҳои тандурустӣ дар назди беморхонаҳо арча, дарахтони ороишӣ ва гулҳои мавсимӣ шинонида мешавад.
Имрӯз, 13 марти соли равон кормандони дастгоҳи марказии Вазорати тандурустӣ ва ҳифзи иҷтимоии аҳолии Ҷумҳурии Тоҷикистон, роҳбарият ва кормандони як қатор муассисаҳои тандурустии шаҳру ноҳияҳои кишвар бо як рӯҳияи баланди ободкорӣ ва омодагӣ ба ҷашни Наврӯзи байналмилалӣ ба ҳашарҳои дастаҷамъона баромаданд
(ГУЗОРИШИ АКСӢ АЗ РАФТИ ҲАШАРҲОИ ДАСТАҶАМЪОНА ДАР ЯК ҚАТОР МУАССИСАҲОИ ТАНДУРУСТИИ ШАҲРУ НОҲИЯҲОИ КИШВАР)