Дар ҷаҳон ба зиёда аз 268 миллион нафар ваксина ба зидди коронавирус гузаронида шуда, то ҳол ягон ҳодисаи марг аз ин ваксинаҳо ба қайд гирифта нашудааст. Дар ин бора дар Созмони умумиҷаҳонии тандурустӣ зимни тавзеҳи аз ҷониби Дания, Исландия, Италия ва Норвегия боз доштани истифодаи ваксинаи ширкати бритониёӣ-шведии AstraZeneca ва Донишгоҳи Оксфорд пас аз пайдо шудани маълумот дар бораи ташаккули лахтаи хун дар онҳое, ки ваксина кардааанд, изҳор доштаанд, хабар медиҳад ТАСС.
«То санаи 9 март, тибқи маълумоте, ки СУТ аз ҳукуматҳои миллӣ гирифтааст, аз оғози пандемия ба беш аз 268 миллион нафар ваксина бар зидди COVID-19 гузаронида шудааст. То имрӯз ягон ҳодисаи марги марбут ба ваксинаҳо бар зидди COVID-19 муайян карда нашудааст», — гуфт намояндаи расмии СУТ Тарик Яшаревич.
Намояндаи расмии СУТ гуфтааст, ки ҳамчун чораи эҳтиётӣ, якчанд кишварҳои Иттиҳоди Аврупо истифодаи гурӯҳи махсуси ваксинаи AstraZeneca-ро бар асоси гузоришҳо дар бораи лахта шудани хун дар нафароне, ки ваксина гузарондаанд, боз доштаанд. Тарик Яшаревич афзудааст, ки ин тасмим ҳамчун чораи эҳтиётӣ, то анҷом ёфтани тафтишоти пурра, гирифта шудааст.
![](https://moh.tj/wp-content/uploads/2018/04/8678.jpg")
