Ҷиҳати шиносоӣ пайдо намудан аз фаъолияти хизматрасонии тиббӣ, рафти корҳои таъмирӣ ва тармими муассисаҳои тандурустӣ боздиди роҳбарияти Вазорати тандурустӣ ва ҳифзи иҷтимоии аҳолии Ҷумҳурии Тоҷикистон аз муассисаҳои тандурустии шаҳру ноҳияҳои мамлакат идома дорад.
Бо ин мақсад имрӯз, 13 марти соли равон вазири тандурустӣ ва ҳифзи иҷтимоии аҳолии Ҷумҳурии Тоҷикистон Ҷамолиддин Абдуллозода рафти корҳои таъмирии Беморхонаи марказии ноҳияи Ёвон дидан намуд.
Аснои боздид ҷиҳати дар сатҳи баланд анҷом додани корҳои таъмирӣ вазири тандурустӣ ва ҳифзи иҷтимоии аҳолии Ҷумҳурии Тоҷикистон Ҷамолиддин Абдуллозода ба масъулин дастуру супоришҳои мушаххас дод.
Маврид ба зикри хос аст, ки бо мақсади сазовор истиқбол гирифтани ҷашни бузурги миллӣ-30-солагии Истиқлолияти давлатии Ҷумҳурии Тоҷикистон корҳои азнавсозӣ, таъмиру тармим ва бо таҷҳизоти муосири тиббӣ таъмин намудани муассисаҳои тандурустӣ дар тамоми гӯшаву канори мамлакат бомаром идома дорад.