Чанде қалб бо ибтикори Вазорати тандурустӣ ва ҳифзи иҷтимоии аҳолии Ҷумҳурии Тоҷикистон ва сарпарастииХазинаи Фонди Глобалӣ дар Маркази бемориҳои сили вилояти Хатлон дастгоҳи “Термо Сайклер” ва “Твин” насб гардонида шуд.
“Термо Сайклер” ва “Твин”-инкубатор, дастгоҳи “ХАЙН” нигоҳдорандаи ҳарорати 36 градус, қобилияти муаяйн намудани таъсирнокии дорувории зидисиллиро доро буда, ҳамзамон ҷиҳати дарёфти бемории сил нақши калон дорад.
Ин дар ҳолест, ки то ба ин дам дар маркази мазкур чунин таҷҳизот вуҷуд надошт ва беморон аз вилоят ба Маркази ҷумхуриявии зиддисилӣ ва Беморхонаи ҷумҳуриявии бемориҳои сили шаҳраки «Шифо»-и шаҳри Душанбе равон карда мешуданд.
Маврид ба зикр аст, ки ислоҳоти соҳаи тандурустӣ, баланд бардоштани сифати хизматрасонии тиббӣ ба аҳолӣ, беҳтарсозии шароити муассисаҳои тандурустӣ дар маркази диққати доимии давлату Ҳукумати Ҷумҳурии Тоҷикистон қарор дорад. Бо ин мақсад дар Паёми навбатӣ ба Маҷлиси Олии Ҷумҳурии Тоҷикистон Асосгузори сулҳу Ваҳдати миллӣ-Пешвои миллат Президенти кишвар Эмомалӣ Раҳмон ҳифзи саломатии аҳолӣ ва тандурустиро яке аз самтҳои афзалиятноки давлат ҳисобида, дар доираи татбиқи ҳадафҳои созандаю бунёдкорӣ, сохтмону азнавсозии инфраструктураи иҷтимоӣ, бахусус муассисаҳои тиббӣ, таъмини онҳо бо дастгоҳу таҷҳизоти муосирро таҳти назорату таваҷҷӯҳи Ҳукумати мамлакат қарор доданд.