Дар доираи таҷлили бошукуҳи бузургтарин ҷашни миллӣ 30-умин солгарди Истиқлолияти давлатии Тоҷикистон корҳои бунёдкориву ободонӣ ва ҳарчӣ зиёдтар боло бурдани вазъи хизматрасонии тиббӣ дар саросаи мамлакат корҳои амалӣ дар соҳаи тандурустӣ идома доранд.
Ҳамин аст, ки чанде қабл бо маблағгузории Ҳукумати Ҷумҳурии Тоҷикистон дар деҳаи Обшорони шаҳри Кӯлоби вилояти Хатон як Бунгоҳи тиббӣ муҷаҳҳаз бо муосиртарин дастгоҳи соҳавӣ сохта ба истифода дода шуд.
Дар рафти ба истифодадиҳии бинои Бунгоҳи тиббӣ ҳамзамон бо ҳузури мутахассисони соҳибтаҷрибаи соҳавӣ зиёда аз 50 навзод аз амалиёти хатна гузаронида шуда, аҳолии маҳал аз дастгириҳои пайвастаи Ҳукумати мамлакат ва ғамхориҳои бевоситаи Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон изҳори қаноатмандӣ намуданд.
Маврид ба тазаккур аст, ки имрӯзҳо корҳои ободониву азнавсозӣ ва маҷаҳҳаз намудани муассисаҳои соҳаи тандурустӣ бо дастгоҳу лавозимоти тиббӣ дар баробари дигар соҳаҳои муҳим идора доранд, ки чунин иқдоми наҷиб заминаи рушди хизматрасонии тиббӣ ба аҳолӣ хоҳад буд.
![](https://moh.tj/wp-content/uploads/2018/04/8678.jpg")
