Бо мақсади таъмини дастрасии бештари аҳолӣ ба хизматрасонии баландихтисос, аз ҷумла дар самти эндоҷарроҳӣ, омӯзиши вазъи хизматрасонии тиббӣ дар соҳаи эндоҷарроҳӣ дар шаҳру ноҳияҳои вилояти Суғд тибқи фармоиши вазири тандурустӣ ва ҳифзи иҷтимоии аҳолии Ҷумҳурии Тоҷикистон гурӯҳи корӣ иборат аз табибони эндоҷарроҳ ва сармутахассисони соҳавии Вазорати тандурустӣ ва ҳифзи иҷтимоии аҳолии Ҷумҳурии Тоҷикистон таъсис ва ба шаҳру навоҳии вилояти мазкур сафарбар карда шуд.
Гурӯҳи корӣ аз 14 то 16 октябри соли равон вазъи хизматрасонии тиббӣ дар самти эндоҷарроҳиро дар муассисаҳои тиббии шаҳру ноҳияҳои вилояти Суғд (новобаста аз шакли моликият) мавриди омӯзиш қарор дод.
Аснои боздид аз муассисаҳои тиббӣ гурӯҳи корӣ бо вазъи соҳаи эндоҷарроҳӣ, аз ҷумла таҷҳизотҳои тиббӣ шинос шудаву бо мутахассисони соҳа суҳбат намуда, доир ба пешрафти соҳа ба онҳо тавсия ва маслиҳатҳои муфид пешниҳод намуданд.
![](https://moh.tj/wp-content/uploads/2018/04/8678.jpg")
