Бо ташаббуси Раёсати тандурустӣ ва Маркази ташаккули тарзи ҳаёти солими вилояти Суғд дар як қатор муассисаҳои таҳсилоти миёнаи умумии шаҳри Хуҷанд бо омӯзгорон ва хонандагон мулоқотҳои судманд доир ба пешгирии сирояти коронавирус баргузор гардид, ки дар онҳо роҳбарияти Раёсати тандурустӣ ва Маркази ташаккули тарзи ҳаёти солими вилоят иштирок намуданд. Ҳамзамон чунин мулоқотҳо бо иштироки кормандони касбу кори гуногуни шаҳр низ доир гардиданд.
Зимни мулоқотҳо қайд гардид, ки яке аз роҳҳои асосии пешгирии сирояти коронавирус ин пеш аз ҳама риоя кардан қоидаҳои пешгирии ин беморӣ, аз ҷумла пайваста шӯстани дастон, нигоҳ доштани масофаи иҷтимоӣ, дар ҷойҳои ҷамъиятӣ пӯшидани ниқоби тиббӣ ба шумор мераванд.
Бинобар ин, аз хонандагони муассисаҳои таҳсилоти миёнаи умумӣ даъват ба амал оварда шуд, ки қоидаҳои пешгирии ин бемориро қатъиян риоя намуда,бо ин роҳ худ ва наздиконашонро аз сироятшавӣ ба ин беморӣ эмин нигоҳ доранд.
Ҳамзамон, аз ҷониби кормандони Маркази ташаккули тарзи ҳаёти солими вилоят дар ҷойҳои серодами шаҳри Хуҷанд доир ба пешгирии сирояти коронавирус ва зарурати гирифтани ваксинаи зидди бемории мазкур ба тариқи баландгӯяк маълумот пешниҳод карда шуд.