Дар арафаи Соли нави мелодии 2022 раиси Кумитаи иҷроияи ҲХДТ дар шаҳри Душанбе Мирзозода Иброҳим, раиси Кумитаи иҷроияи ҲХДТ дар ноҳияи Шоҳмансур, Гулаҳмадзода Зулфиқор ва муовини сардори Раёсати тандурустии шаҳри Душанбе Собирзода Ато кӯдакони бемору ниёзманде, ки дар Маркази саломатии шаҳрии №3-и шаҳри Душанбе бистарӣ мебошанд, аёдат намуда, бо вазъи саломатии онҳо шинос шуданд.
Қайд гардид, ки дастгирӣ ва аёдати беморону ниёзмандон дар арафаи иду ҷашнҳо ва санаҳои муҳим дар кишвар ба ҳукми анъана даромада, мунтазам ба ин қишри ҷомеа аз ҷониби давлат ва Ҳукумати Тоҷикистон ва шахсони саховатпеша кӯмакҳои моддӣ расонида мешавад.
Ҳамзамон, дар ҷараёни аёдати хеш меҳмонон ба кӯдакон туҳфаҳои солинавӣ тақдим намуда, иброз доштанд, ки ҲХДТ ҳамеша ба ин қишри ҷомеа таваҷҷуҳи махсус дошта, нисбат ба онҳо ғамхории махсус зоҳир менамояд. Дар навбати худ дӯстрӯякони бемор ва бистаригардида, аз ҳузури Бобои барфӣ шодон шуда, шеърҳо қироат намуданд.
Волидони кӯдакон аз ин иқдом изҳори хурсандиву шодмонӣ намуда, ба Роҳбарияти Олии ҲХДТ изҳори миннатдорӣ баён доштанд, ки дар арафаи Соли нави мелодии 2022 кӯдакони бемори онҳоро хушҳол гардониданд.