25 августи соли равон дар доираи сафари корӣ ба вилояти Суғд муовини вазири тандурустӣ ва ҳифзи иҷтимоии аҳолии Ҷумҳурии Тоҷикистон Шодихон Ҷамшед бо фаъолияти Муассисаи давлатии “Хона-интернати бемориҳои руҳӣ дар ноҳияи Ҷаббор Расулов” шинос шуд.
Тавре иттилоъ дода шуд, имрӯзҳо барои бошандагони муассисаи мазкур тамоми шароит ва имконот фароҳам оварда шудааст.
Зимни шиносоӣ Шодихон Ҷамшед ҳамзамон бо рафти омодагии муассиса барои муътадил гузаронидани фасли зимистон дидан намуд.
Маълум гардид, ки роҳбарияти муассиса барои зимистонгузаронӣ омодагиии хуб дидаанд ва дар анбори он хӯрока ва дигар маводҳои ғизоии лозима захира карда шудаанд.
Инчунин, дар идома Шодихон Ҷамшед бо рафти корҳои ободонӣ ва таъмирии муассисаи мазкур низ шинос шуд.
Муовини вазири тандурустӣ ва ҳифзи иҷтимоии аҳолии Ҷумҳурии Тоҷикистон барои боз ҳам беҳтар намудани хизматрасонӣ ба бошандагон ба роҳбарияти муассиса дастуру супоришҳои мушаххас дод.
![](https://moh.tj/wp-content/uploads/2018/04/8678.jpg")
