Бо дастгирии Вазорати тандурустӣ ва ҳифзи иҷтимоии аҳолии Ҷумҳурии Тоҷикистон “Корвони хизматрасонии тавонбахшӣ ва воситаҳои ёрирасон» тибқи нақшаҳои амалкунанда ва баъди боздид аз ноҳияи Айнӣ ва шаҳри Панҷакенти вилояти Суғд, ба ноҳияҳои Рашт ва Лахш ташриф овард.
Дар доираи сафари корвони мазкур дар бинои мақомоти иҷроияи ҳокимияти давлатии ноҳияҳои мазкур бо ҷалби доираи васеъи маъюбон, бахшҳои ҳифзи иҷтимоӣ ва шӯъбаҳои кӯмаки аввалияи тиббию санитарӣ оид ба таснифоти хизматрасониҳои тавонбахшӣ, протезию ортопедӣ ва воситаҳои техникии тавонбахшӣ бо иштироки мутахассисони варзидаи Корхонаи давлатии «Заводи протезию ортопедӣ» -и шаҳри Душанбе семинар-машварат баргузор гардид.
Лозим ба ёдоварист, ки ба ноҳияҳои болозикр бо супориши вазири тандурустӣ ва ҳифзи иҷтимоии аҳолии Ҷумҳурии Тоҷикистон воситаҳои техникии тавонбахшӣ, аз қабили аробачаҳои маъюбӣ, роҳравакҳо, асоҳои гуногун ва ғайра дастраси эҳтиёҷмандон карда шуданд.