Декабр 05
16:17
2022
Бахшида ба 5 декабр-“Рӯзи байналмилалии волонитёрон” Вазорати тандурустӣ ва ҳифзи иҷтимоии аҳолии Ҷумҳурии Тоҷикистон як қатор масъулини кор дар самти фаъолияти волонтиёрии соҳаи тандурустӣ ва ҳифзи иҷтимоии аҳолии кишварро бо Сипоснома ва туҳфаҳои хотиравӣ қадрдонӣ намуд.
Бояд зикр намуд, ки дар ин самт ихтиёран ҷавонони соҳаи тандурустӣ ва волонтиёрони ҷамъиятӣ фаъолияти назаррас доранд, ки дар чорабиниҳои муҳими соҳавӣ ва рӯзмарраи он, ки дар татбиқи сиёсати тандурустӣ ва ҳифзи иҷтимоии аҳолӣ муҳим мебошанд, фаъолона ширкат меварзанд.
Махсусан, волонтиёрони соҳа дар давраи пандемияи COVID-19 дар байни шаҳрвандон вобаста ба тарғибу ташвиқи солимии аҳолӣ ва пешгирии ин беморӣ саҳми назаррас гузоштанд.
![](https://moh.tj/wp-content/uploads/2018/04/8678.jpg")
