Рӯзҳои 23-24 марти соли равон дар шаҳри Санкт-Петербурги Федератсияи Россия таҳти унвони “Ҷомеаи солим” форум баргузор гардид, ки дар он намояндагони Вазорати тандурустӣ ва ҳифзи иҷтимоии аҳолии Ҷумҳурии Тоҷикистон таҳти роҳбарии муовини якуми вазир Ғафур Муҳсинзода иштирок намуданд.
Дар форуми мазкур намояндагони вазоратҳои тандурустӣ ва мутахассисон аз кишварҳои ИДМ иштирок намуданд.
Дар форуми мазкур масъалаҳои пешгирии бемориҳои сироятӣ, омодасозии мутахассисони соҳаи тандурустӣ, рақамикунонии соҳа, рушди туризми тиббӣ ва дигар масъалаҳо мавриди баррасӣ қарор дода шуданд.
Маврид ба зикр аст, ки дар анҷоми форум барои саҳми назаррас гузоштан дар рушди ҳамкориҳои ду кишвар дар соҳаи тандурустӣ аз номи вазири тандурустии Россия Михаил Албертович Мурашко вазири тандурустӣ ва ҳифзи иҷтимоии аҳолии Ҷумҳурии Тоҷикистон Ҷамолиддин Абдуллозода бо Сипоснома сарфароз гардонида шуд. Сипосномаи мазкур ба муовини якуми вазири тандурустӣ ва ҳифзи иҷтимоии аҳолии Ҷумҳурии Тоҷикистон супорида шуд.
![](https://moh.tj/wp-content/uploads/2018/04/8678.jpg")
