Вазорати тандурустӣ ва ҳифзи иҷтимоии аҳолии Ҷумҳурии Тоҷикистон

Чун анъана дар  асоси фармоиши Вазорати  тандурустӣ  ва ҳифзи иҷтимоии аҳолии  Ҷумҳурии  Тоҷикистон  аз 29  апрели  соли  2023,  №269  «Оиди гузаронидани мусобиқаи ҳабдаҳуми  футболи хурд байни дастаҳои мардонаи табибони муассисаҳои тандурустӣ ва ҳифзи иҷтимоии аҳолии Ҷумҳурии Тоҷикистон” Кумитаи ҷумҳуриявии  иттифоқи  касабаи кормандони тандурустӣ ва ҳифзи иҷтимоии Тоҷикистон дар якҷоягӣ бо Вазорати тандурустӣ ва ҳифзи иҷтимоии аҳолии Ҷумҳурии Тоҷикистон ва  Федератсияи  футболи  мамлакат  аз   17  июн   то  10 августи  соли  2023,  мусобиқаи  ҳабдаҳуми  футболи хурдро  байни дастаҳои муассисаҳои  тандурустӣ ва ҳифзи иҷтимоии аҳолии Ҷумҳурии Тоҷикистон  бахшида ба  зодрӯзи  олим, файласуф ва  ҳакими тоҷик Абӯалӣ ибни Сино, иди касбӣ – “Рӯзи кормандони тибби Ҷумҳурии Тоҷикистон” ва ҷашни 32 – солагии Истиқлолияти давлатии Ҷумҳурии Тоҷикистон, 90 солагии Иттифоқи касабаи кормандони тандурустӣ ва ҳифзи иҷтимоии Тоҷикистон дар  майдончаи варзишии Маркази офият ва барқарорсозии “Пайрави Сино”-и шаҳри Душанбе  баргузор намуд. Дар мусобиқа  18 даста ва зиёда аз  200 – нафар футболбозон аз синни 25 сола то синни 60 сола  иштирок варзиданд. Доварии  қариб  90 – бозиҳои  мусобиқа  аз тарафи  доварони  дараҷаи ҷумҳуриявию байналмилалии Федератсияи футболи мамлакат ба анҷом расонида шуданд.

Маросими ҷамъбасти мусобиқаи мазкур санаи 10 августи соли равон баргузор гардид, ки дар он муовини вазири тандурустӣ ва ҳифзи иҷтимоии аҳолии Ҷумҳурии Тоҷикистон Абдухолиқ Амирзода, Раиси Федератсияи Иттифоқҳои касабаи мустақили Тоҷикистон Маликшо Неъматзода,  Раиси Кумитаи ҷумҳуриявии  иттифоқи  касабаи кормандони тандурустӣ ва ҳифзи иҷтимоии Тоҷикистон Нурхон Хаётзода, Аъзоёни Кумитаи тадорукот, варзишгарон, дӯстдорони футбол  ва намояндагони воситаҳои ахбори омма иштирок доштанд.

Ҳамин тавр, барои ҷойи сеюми мусобиқа тими Хадамоти назорати давлатии санитарию эпидемиологӣ бо тими Коллеҷи тиббии ҷумҳуриявӣ қуваозмоӣ намуд, ки дар натиҷа тими хадамоти номбурда бо ҳисоби 1 бар 0 пирӯз омада, ҷои сеюми мусобиқаро ба даст овард.

Барои ишғоли ҷои аввал дастаҳои   Хадамоти  давлатии тандурустӣ ва ҳифзи иҷтимоии аҳолии Ҷумҳурии Тоҷикистон ва ЕВРОМЕД ба майдони рақобат ворид гардиданд. Бозӣ миёни тимҳои мазкур пурҷӯшу хурӯш ҷараён гирифта, рақобат дар вақти асосӣ бо ҳисоби мусовӣ, яъне 1 бар 1 ба поён расид. Дар натиҷаи задани зарбаҳои 11 метра тими Хадамоти  давлатии тандурустӣ ва ҳифзи иҷтимоии аҳолии Ҷумҳурии Тоҷикистон бо ҳисоби 5 бар 4 пирӯз омада, соҳиби Ҷоми калон, медалҳои тилло, тӯҳфаҳои хотиравӣ ва   Ифтихорномаи  якҷояи Вазорати тандурустӣ  ва ҳифзи иҷтимоии аҳолии Ҷумҳурии Тоҷикистон ва Кумитаи ҷумҳуриявии иттифоқи касабаи кормандони тандурустӣ ва ҳифзи иҷтимоии  Тоҷикистон гардид.

Дар фарҷом баромадкунандагон Амирзода Абдухолиқ, муовини вазири тандурустӣ ва ҳифзи иҷтимоии аҳолии Ҷумҳурии Тоҷикистон, Неъматзода Маликшо, Раиси Федератсияи Иттифоқҳои касабаи мустақили Тоҷикистон, Нурхон Хаётзода, Раиси Кумитаи ҷумҳуриявии иттифоқи касабаи кормандони тандурустӣ ва ҳифзи иҷтимоии Тоҷикистон ва сардовари мусобиқа, ғолибонро барои ишғол намудани ҷойҳои ифтихорӣ ва бо туҳфаи хотиравӣ сазовор гардиданашон  аз номи Кумитаи тадорукот табрик намуда, ҳамагонро бо ҷашни  таърихӣ,  ҷашни 90 – солагии Иттифоқи касабаи кормандони тандурустӣ ва ҳифзи иҷтимоии Тоҷикистон, ки дар арафаи ҷашни зодрӯзи олими бузург, файласуф ва ҳакими тоҷик Абӯалӣ ибни Сино, иди касбӣ – “Рӯзи кормандони тиб” баргузор шуда истодааст,  табрик намуданд.