Октябр 19
16:25
2023
Имрӯз, 19 октябри соли равон дар доираи амалисозии лоиҳаи муштараки “Тақвияти низоми тандурустӣ дар Тоҷикистон”, ки миёни Барномаи Рушди Созмони Миллали Муттаҳид ва Вазорати тандурустӣ ва ҳифзи иҷтимоии аҳолии Ҷумҳурии Тоҷикистон бо маблағгузории Алянси Глобалии ваксинаҳо ва иммунизатсия татбиқ мешавад, маросими супоридани 9 адад автомашинаҳои Toyota Hilux ба Муассисаи давлатии «Маркази ҷумҳуриявии иммунопрофилактика» баргузор гардид.
Дар маросими қабули нақлиётҳои мазкур муовини вазири тандурустӣ ва ҳифзи иҷтимоии аҳолии Ҷумҳурии Тоҷикистон Амирзода Абдухолиқ Амир, Намояндаи Барномаи Рушди Созмони Миллали Муттаҳид дар Точикистон, шахси масъул дар амалигардонии Лоиҳаи Алянси Глобалии ваксинаҳо ва иммунизатсия «Устувор намудани соҳаи тандурустӣ дар Ҷумҳурии Тоҷикистон» Шодиев Далер иштирок намуданд.
Муовини вазири тандурустӣ ва ҳифзи иҷтимоии аҳолии Ҷумҳурии Тоҷикистон зимни суханронии хеш ба шарикони рушд ҷиҳати дастгирии пайвастаи соҳа изҳори миннатдорӣ баён намуда, иброз дошт, ки автомашинаҳои дастрасшуда байни филиалҳои Муассисаи давлатии «Маркази ҷумҳуриявии иммунопрофилактика» дар минтақаҳои ҷумҳурӣ тақсим шуда, ҳазорҳо нафар аҳолии кишвар имконияти дастрасии беҳтар ба ваксинаҳоро пайдо хоҳанд кард.