Январ 20
12:07
2024
Дар Маркази саломатии шаҳри Ҳисор ҷиҳати назорати сатҳи хизматрасонии тиббию санитарӣ дар шабакаи муассисаҳои тиббию табобатии шаҳри мазкур бо иштироки намояндагони Вазорати тандурустӣ ва ҳифзи иҷтимоии аҳолии Ҷумҳурии Тоҷикистон ҷаласаи корӣ доир гашт, ки дар он ҳамзамон роҳбарияти шабакаи муассисаҳои КАТС-и шаҳри Ҳисор ва доираи васеи кормандони соҳа иштирок намуданд.
Дар ҷаласаи мазкур вазъи кунунии хизматрасонии тиббӣ ба аҳолӣ дар шаҳри Ҳисор мавриди таҳлил ва баррасии амиқ қарор гирифт.
Гуфта шуд, ки сатҳ ва сифати хизматраонии тиббӣ ба аҳолӣ зери таваҷҷуҳи хосаи Роҳбарияти Ҳукумати мамлакат қарор дошта, дар ин самт пайваста тадбирҳои муҳиму саривақтӣ амалӣ карда мешаванд.
Дар шаҳри Ҳисор низ баҳри ташхису табобати беморон тамоми шароит ва имконоти мусоид фароҳам оварда шудааст.
Ҷиҳати бартараф намудани мушкилот ва камбудиҳои ҷойдошта аз ҷониби намояндагони Вазорат ба масъулини соҳаи тандурустии шаҳри мазкур дастуру супоришҳои мушаххас дода шуд.