25 январи соли равон дар Вазорати тандурустӣ ва ҳифзи иҷтимоии аҳолии Ҷумҳурии Тоҷикистон муовини якуми вазири тандурустӣ ва ҳифзи иҷтимоии аҳолӣ Ғафур Муҳсинзода бо муовини Роҳбари дафтари равобити байналмилалии Ҳукумати Шэнсии Ҷумҳурии мардумии Чин Ли Анзун, ки бо ҳайати хеш иборат аз намояндагони мақомоти тандурустӣ аз ҳисоби мутахассисони варзидаи соҳаи тиб, аз ҷумла Иттиҳоди бемористонҳои Созмони ҳамкории Шанхай ба Тоҷикистон ташриф овард, мулоқот намуд.
Нахуст Ғафур Муҳсинзода меҳононро ба вазорат хайрамақдам гуфта, аз ҳамкориҳои мутақобилан судманди ду кишвар дар соҳаи тандурустӣ ва ҳифзи иҷтимоии аҳолӣ ёдовар шуд.
Зимни мулоқот ҷонибҳо доир ба рушди густариши ҳамкориҳои дуҷониба доир ба самтҳои гуногуни соҳаи тандурустӣ, аз ҷумла коркарди гиёҳҳои шифобахш мубодилаи афкор намуданд.
Мулоқот дар фазои дӯстӣ ва ҳусни тафоҳум баргузор гашта, ҷонибҳо доир ба боз ҳам густариш додани ҳамкориҳои судманд ҳавасмандии хешро иброз доштанд.