Дар Муассисаи давлатии “Маркази миллии тиббии Ҷумҳурии Тоҷикистон “Шифобахш” бо иштироки роҳбарият ва кормандони маркази мазкур вобаста ба пешгирии амалҳои номатлуб дар байни аҳолӣ, аз ҷумла пешгирии амалҳои коррупсионӣ, терроризм ва экстремизм ва дигар падидаҳои номатлуби ҷомеа ҳамоиши тарбиявӣ-маърифатӣ доир гардид.
Зимни ҳамоиш доир ба омилу сабабҳои пайдоиши коррупсия, роҳҳои пешгирии ин падидаи номатлуб, пешгирии ҷинояту ҷинояткорӣ, аз қабили пешгирии шомилшавии ҷавонон ба ҳизбу ҳаракатҳои террористию экстремистӣ, расидан ба қадри сулҳу оромии Тоҷикистони азиз ва баҳри рушду пешрафти сарзамини хеш саҳмгузор будан андешаронӣ сурат гирифт.
Дар ин замина, аз табибони муассисаи мазкур даъват ба амал оварда шуд, ки ҷавобан ба дастгирӣ ва ғамхориҳои роҳбарияти Олии Ҳукумати мамлакат аз пештара бештар баҳри таъмини солимии аҳолӣ талош варзанд.