9 феврал дар Вазорати тандурустӣ ва ҳифзи иҷтимоии аҳолии Ҷумҳурии Тоҷикистон мулоқоти дуҷонибаи вазири тандурустӣ ва ҳифзи иҷтимоии аҳолӣ Ҷамолиддин Абдуллозода бо роҳбари намояндагии Агентии Туркия оид ба ҳамкории байналмилалӣ дар Тоҷикистон (ТИКА) ҷаноби Унал доир гашт.
Нахуст Ҷамолиддин Абдуллозода меҳмононро ба бинои нави вазорат хайрамақдам гуфта, ҷаноби Уналро барои ба вазифаи роҳбари намояндагии Агентии Туркия оид ба ҳамкории байналмилалӣ дар Тоҷикистон (ТИКА) таъйин гардиданаш тарбик намуда, ба фаъолияти минбаъдаи ӯ барору муваффақият таманно намуд.
Зимни мулоқот ҷонибҳо доир ба густариши ҳамкориҳо дар бахши рақамикунонии соҳаи тандурустӣ, омӯзонидани мутахассисони тоҷик дар кишвари Туркия ва бо ин васила ворид намудани усулҳои нави ташхису табобат дар тибби мамлакат ва дигар масъалаҳо гуфтугӯ намуданд.
![](https://moh.tj/wp-content/uploads/2018/04/8678.jpg")
