Вазорати тандурустӣ ва ҳифзи иҷтимоии аҳолии Ҷумҳурии Тоҷикистон

Санаи 1 сентябри соли равон  дар    Донишгоҳи давлатии тиббии Тоҷикистон ба номи Абӯалӣ ибни Сино вобаста ба Рӯзи дониш ҷамъомад  баргузор гардид.

Дар чорабинии мазкур Гулҷаҳон Абдуфаттоҳзода сардори раёсати рушди иҷтимоии Дастгоҳи иҷроияти Президенти Ҷумҳурии Точикистон, Гулзода Маҳмадшоҳ ректори Донишгоҳи давлатии тиббии Тоҷикистон ба номи Абӯалӣ ибни Сино, устодон ва таълимгирандагони ин муассисаи таълимӣ иштирок намуданд.

Дар оғози чорабинӣ Гулҷаҳон Абдуфаттоҳзода муҳассилин ва ҳайати устодону профессорони донишгоҳро бо фарорасии соли нави хониш, Рӯзи Дониш ва Сулҳ табрик намуда ба ҳозирин дар роҳи илм бурдбориҳо таманно намуд.

Дар навбати худ Гулзода Маҳмадшоҳ ректори Донишгоҳи давлатии тиббии Тоҷикистон ба номи Абӯалӣ ибни Сино  меҳмонон ва донишҷӯёни соли аввали хонишро ба ин боргоҳи илму маърифат хайрамақдам гуфта, оид ба дастовардҳову нақшаҳои Донишгоҳ дар солҳои минбада ва рисолати муҳассилини он маълумоти муфассал  дод.

Дар интиҳо ҳайати гуруҳи «Шифо»-и Донишгоҳи давлатии тиббии Тоҷикистон ба номи Абӯалӣ ибни Сино бо консерти идона хотири ҳозиринро шод сохтанд. Сипас, чун анъана 1-уми сентябр дар  кафедраҳои донишгоҳ «Дарси сулҳ» доир гашт.