Имруз вазири тандурустӣ ва ҳифзи иҷтимоии аҳолии Ҷумҳурии Тоҷикистон Насим Олимзода намояндагони Бонки Умумиҷаҳониро, ки дар самти танурустӣ фаъолият доранд, ба ҳузур пазируфт. Ҳайати намояндагонро хонум Ха Ти Нгуен, муҳосиби калони бахши тандурустӣ, роҳбари Лоиҳаи “Беҳтаркунии хизматрасонии тиббӣ” ба ӯҳда дошт. Вазир зимни суҳбати самимӣ бо меҳмонон иброз дошт, ки аз рафти амалисозии лоиҳа қаноатманд аст ва ин лоиҳа тавонист дар ноҳияҳои таҷрибавии вилоятҳои Суғд ва Хатлон барои баланд бардоштани сифати хизматрасонии тиббӣ тариқи пешниҳоди маблағҳои иловагӣ ва сохтмони муассисаҳои кӯмаки аввалияи тиббию санитарӣ дар ноҳияҳои таҷрибавӣ саҳми сазовор гузорад.
Зимни сӯҳбат вазир Насим Олимзода барои фаълияти пурсамар ба роҳбари собиқи лоиҳа хонум Ха Ти Нгуйен изҳори сипос намуда, ба роҳбари нави лоиҳа хонум Хуэйхуэй Вонг дар иҷрои ин вазифаи пурмасъулият комёбиҳо таманно намуд. Ӯ ҳамчунин иброз дошт, ки барои фаъолияти минбаъдаи лоиҳа дар ноҳияҳои кишвар тамоми саъю кушишашро равона сохта, барои ба даст овардани натиҷаҳои самарабахш мусоидат хоҳад кард.
Дар навбати худ намояндагони Бонки Ҷаҳонӣ ба рафти амалишавии лоиҳа дар даҳ ноҳияи таҷрибавии вилоятҳои Суғд ва Хатлон баҳои баланд доданд.
![](https://moh.tj/wp-content/uploads/2018/04/8678.jpg")
