Қарори Ҳукумати Ҷумҳурии Тоҷикистон «Дар бораи пардохти кӯмакпулӣ ба оилаҳои камбизоат, ки кӯдаконашон дар мактабҳои таҳсилоти умумии Ҷумҳурии Тоҷикистон таҳсил менамоянд» яке аз тадбирҳои амалии давлату ҳукумат дар ин самт дониста шуда назорати чунин қарорҳо ва дастурот зери назорати ҷиддӣ қарор гирифтаастБо мақсади иҷрои ин қарор дар нимсолаи аввали соли 2017 дар вилояти Суғд, тибқи ҳисоботи 9 адад комиссияҳои шаҳрӣ ноҳиявӣ ба 29019 нафар хонандагони синфҳои 1-9-и мактабҳои таҳсилоти миёнаи умумӣ ба маблағи 580380 сомонӣ кӯмакпулӣ пардохт карда шудааст.
Хотиррасон менамоем, ки назорати пардохти ҷубронпулию кӯмакпулиҳо ба оилаҳои камбизоат яке аз самтҳои асосии фаъолияти Агентии давлатии ҳифзи иҷтимоии аҳолии Вазорати тандурустӣ ва ҳифзи иҷтимоии аҳолии Ҷумҳурии Тоҷикистон ба ҳисоб рафта дар асоси нақшаи кории шуъбаи ҳифзи иҷтимоии аҳолии мақомоти иҷроияи ҳокимияти давлатии вилояти Суғд санаи 20 январ ва 19 майи соли 2017 бо котибони комиссияҳои таъин ва пардохти кӯмакпулии мактаббачагони шаҳру ноҳияҳо оид ба риояи Қоидаҳои таъин ва пардохти кӯмакпулии мактаббачагон семинари дастурдиҳӣ гузаронида шудааст. Айни ҳол аз ҷониби комиссияҳои шаҳру ноҳияҳо оид ба таъин ва пардохти кӯмакпулии мактаббачагон барои нимсолаи дуюми соли 2017 корбарӣ рафта истодааст.
![](https://moh.tj/wp-content/uploads/2018/04/8678.jpg")
