Субҳи имрӯз Саида Умарзода, муовини якуми вазири тандурустӣ ва ҳифзи иҷтимоии аҳолии Ҷумҳурии Тоҷикистон, бо як чамъомад ҷиҳати табрики Зарина Неъматова – сокини 22-солаи шаҳри Бохтар, ки санаи 14 майи соли равон дар МД «Пажўҳишгоҳи акушерӣ, гинекологӣ ва перинатологии Тоҷикистон» чоргоник- 3 духтар ва 1 писар таваллуд карда буд, ба таваллудхонаи №1-и пойтахти кишвар шаҳри Душанбе, ташриф оварданд.
Аҳли ҷамъомад бо сардории Саида Умарзода, директори МД «Пажўҳишгоҳи акушерӣ, гинекологӣ ва перинатологии Тоҷикистон» -Давлатова Гулҷаҳон, мудири бахши модаршавии бехавф ва танзими оила – Юнусова Дилрабо , Зарина Неъматоваро ҷиҳати сазовор гардидан ба номи қаҳрамонмодар таҳният гуфтанд. Ба иттилои дастрас вазъи сиҳатии кӯдакони навзод хуб арзёбӣ мегардад.
Аз суҳбате, ки мо бо Зарина Неъматова, модари чоргоникҳо доштем, бар меомад, ки номбурда ва шавҳараш Фаррух Субҳонқулов донишчӯёни Донишгоҳи тиббии Тоҷикистон ҳастанд ва эшон аз ғамхории давлат ва ҳукумати кишвар, бахусус Вазорати тандурустӣ ва ҳифзи иҷтимоии аҳолии Ҷумҳурии Тоҷикистон ҷиҳати ғамхориҳои беандоза ва муҳайё намудани шароити хуб баҳри кудакони навзоди онҳо қаноатманд ҳастанд.
![](https://moh.tj/wp-content/uploads/2018/04/8678.jpg")
