Бо мақсади баланд бардоштани фарҳанги тиббии ҷомеа, дар доираи татбиқи ҳадафҳои бунёдии “Дурнамои пешгирӣ ва назорати бемориҳои ғайрисироятӣ ва осеббардорӣ дар Ҷумҳурии Тоҷикистон барои солҳои 2013-2023” ва инчунин “Дар бораи Барномаи миллӣ оид ба муқовимат бо эпидемияи вируси норасоии масунияти одам дар Ҷумҳурии Тоҷикистон барои солҳои 2017-2020” “Корвони саломатӣ”-и навбатии Вазорати тандурустӣ ва ҳифзи иҷтимоии аҳолии Ҷумҳурии Тоҷикистон ба ноҳияи Хуросони вилояти Хатлон ташриф овард. Дар расми баргузории “Корвони саломатӣ” 1020-нафар эҳтиёҷмандон бо муоинаю ташхис тавассути дастгоҳу таҷҳизоти муосири тиббӣ фаро гирифта шуда, ройгон аз муоинаи тиббӣ гузаронида шуданд.
Дар чорабинии мазкур, ҳамзамон аз ҷониби ҷарроҳӣ кӯдакона 26 нафар кӯдакон аз амалиёти “Хатна” гузаронида шуда, аз тарафи табибони бемориҳои занона 95 нафар занҳои қобили таваллуд аз муоинаи тиббӣ баҳравард гардиданд.