24 декабри соли равон дар маҷлисгоҳи калони Вазорати тандурустӣ ва ҳифзи иҷтимоии аҳолии Ҷумҳурии Тоҷикистон воқеъ дар Маркази тиббии Тоҷикистон “Шифобахш” ҷаласаи васеи кормандони соҳаҳои ҳифзи иҷтимоии аҳолӣ баргузор гардид, ки дар он муовини вазири тандурустӣ ва ҳифзи иҷтимоии аҳолии Ҷумҳурии Тоҷикистон Шодихон Ҷамшед, роҳбарони ташкилоту муассисаҳои ҳифзи иҷтимоӣ, Агентии давлатии ҳифзи иҷтимоии аҳолӣ, сардорони шӯъбаҳои вилоятӣ ва бахшҳои ҳифзи иҷтимоии аҳолии шаҳру ноҳияҳои ҷумҳурӣ ва дигар сохторҳои дахлдор иштирок намуданд.
Нахуст аз ҷониби муовини вазир Шодихон Ҷамшед нуқтаҳои муҳими Паёми навбатии Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон муаррифӣ карда шуданд.
Махсусан, қайд гардид, ки дар Паёми имсолаи Пешвои муаззами миллат муҳтарам Эмомалӣ Раҳмон низ ба соҳаи ҳифзи иҷтимоии аҳолӣ таваҷҷуҳи махсус зоҳир карда шуд.
Тавре Президенти мамлакат иброз намуданд: “Ҳалли саривақтии масъалаҳои иҷтимоии аҳолӣ ва фароҳам овардани шароит ҷиҳати зиндагии арзандаи мардум, аз ҷумла бо роҳи мунтазам таъсис додани ҷойҳои нави корӣ, зиёд намудани ҳаҷми даромади аҳолӣ, баланд бардоштани музди меҳнати кормандон, нафақа ва стипендияҳо аз ҷумлаи масъалаҳои муҳимтарин дар ин давра мебошанд.
Номбурда инчунин доир ба паҳлуҳои гуногуни Паёми навбатии Пешвои муаззами миллат муҳтарам Эмомалӣ Раҳмон ба Маҷлиси Олии Ҷумҳурии Тоҷикистон ибрози андеша намуд.
Дар идомаи маҷлис ҳисоботи Агентии давлатии ҳифзи иҷтимои аҳолӣ, сардорони шӯъбаҳои вилоятии ҳифзи иҷтимоии аҳолӣ ва роҳбарони муассисаҳои сатҳи ҷумҳуриявӣ ва дигарон шунидаву муҳокима карда шуданд.
![](https://moh.tj/wp-content/uploads/2018/04/8678.jpg")
