Вазорати тандурустӣ ва ҳифзи иҷтимоии аҳолии Ҷумҳурии Тоҷикистон

Дирӯз дар пойтахти кишвар шаҳри Душанбе мусобиқоти варзишии ташкилнамудаи Вазорати тандурустӣ ва ҳифзи иҷтимоии аҳолии Ҷумҳурии Тоҷикистон ҷамъбаст гардид.

Хотиррасон менамоем, ки мусобиқаҳои ташкилнамудаи Вазорати тандурустӣ ва ҳифзи иҷтимоии аҳолии Ҷумҳурии Тоҷикистон аз қабили мусобиқаи ёздаҳуми футболи хурд, мусобиқаи панҷуми волейбол байни дастаҳои мардонаву занона, мусобиқаи панҷуми тениси рӯимизӣ бо мақсади тарғиби ташаккули тарзи ҳаёти солим,   ба ифтихори эълон гардидани соли 2017 «Соли ҷавонон», ҷашни 20-солагии «Ваҳдати миллӣ», зодрӯзи олим, файласуф ва ҳакими тоҷик Абӯалӣ ибни Сино, ҳамзамон  бахшида ба рӯзи «Иди касбии кормандони тибби Ҷумҳурии Тоҷикистон», ки ҳамасола  18 август таҷлил мегардад, ташкил гардида буд.

Мусобиқоти ташкилгардида миёни кормандони муассисаҳои тандурустӣ ва ҳифзи иҷтимоии аҳолӣ сурат гирифт.  Дар арафаи ҷамъбасти мусобиқот Насим Олимзода Вазорати тандурустӣ ва ҳифзи иҷтимоии аҳолии Ҷумҳурии Тоҷикистон, Аҳтам Абдулозода раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон, сардорони муассисаву идораҳои мухталифи Вазорати тандурустӣ ва ҳифзи иҷтимоии аҳолӣ ва кормандони ин ниҳод иштирок намуданд.

Дар чорабинии мазкур Насим Олимзода ба ғолибон мукофот ва туҳфаҳои хотиравӣ тақдим намуда куллӣ ҳозиринро бори дигар ба эълон гардидани соли 2017 «Соли ҷавонон», ҷашни 20-солагии «Ваҳдати миллӣ» табрик намуда  иброз намуд, ки; “солимии ҷомеа солимии давлат буда варзиш яке аз василаи нигоҳдошти тандурустӣ маҳсуб меёбад. Таи соли равон мо чандин ҷашнҳои бузурги давлативу барои миллати тоҷик тақдирсозеро чашн гирифтем. Ҳамин аст, ки мусобиқоти варзишии  ташкилгардида низ маҳз ба хотири  тарғиби ташаккули тарзи ҳаёти солим,   ба ифтихори эълон гардидани соли 2017 «Соли ҷавонон», ҷашни 20-солагии «Ваҳдати миллӣ», зодрӯзи олим, файласуф ва ҳакими тоҷик Абӯалӣ ибни Сино, ҳамзамон  бахшида ба рӯзи «Иди касбии кормандони тибби Ҷумҳурии Тоҷикистон» роҳандозӣ гардида буд.