Вазорати тандурустӣ ва ҳифзи иҷтимоии аҳолии Ҷумҳурии Тоҷикистон

Дар санаи 14.12.2017 сол, бо ташхиси гумонбари заҳролудшавӣ аз ғизо, 6 нафар истиқоматкунандагони ҷамоати деҳоти М.Вайсов, деҳаи Кадучии ноҳияи Восеъ дар шӯъбаи эҳёи Беморхонаи марказии ноҳия бистарӣ гардидаанд.

Аз он ҷумла;

1. Давлатов Умарали соли таваллудаш 2015, (фавтид)
2. Давлатова Идигул соли таваллудаш 2007,
3. Давлатова Макнуна соли таваллудаш 2009,
4. Давлатова Мафтуна соли таваллудаш 2011,
5. Давлатов Абубакр соли таваллудаш 2016,
6. Файзова Рухшона соли таваллудаш 1988,

Фавран дар соатҳои аввал  мутахассисони Хадамот ба ноҳия сафарбар шуда, дар якҷоягӣ бо мутахассисони   Маркази назорати давлатии санитарию эпидемиологии ноҳия санҷиши пешакии эпидемиологӣ гузаронида, муайян карда намуданд, ки Давлатов Сафар (падарашон) санаи 13.12.2017 сол, аз мағозаи хусусии деҳаи зикргардида, ки ба соҳибкор Рабиев Амрохон таълуқ дорад, бо ҳамроҳии писараш Давлатов Умарали як баста ҳасиби нимдудкардашуда, истеҳслои ҶДММ “Орзу-2004”- шаҳри Кӯлоб харидорӣ намуда, ба хонааш меорад. Худи ҳамин рӯз тахминан соати 17³⁰ дақиқа ба ғайр аз худаш 6 нафар аъзои оила истеъмол намудаанд. Баъди 2 соат, яъне соати 20 дар Давлатов Умарали, ки ҳасибро бисёртар истеъмол намудааст, аломаҳои бемадорӣ, беҳузурӣ, дарди шикам дар мавзеъи меъда, баъдан аломатҳои хушкшавии даҳон, кашишӣ мушакҳои дасту пой, кабудшавии лабон, диққи нафас ва беҳушӣ пайдо гардида, соати 20 ⁴⁰ дақиқа ба Беморхонаи марказии ноҳия оварда шуда, дар шӯъбаи эҳё бистарӣ карда мешавад. Соати 21 ⁰⁵ дақиқа Давлатов Умарали ба ҳуш наомада дар шӯъбаи эҳё мефавтад. Баъдан соати тахминан 22¹⁵ дақиқа аломатҳои зикргардида, ба ғайр аз беҳушӣ дар 5 нафар шахсони зикргардида  пайдо гардида, ба Беморхона оварда мешаванд. Пас аз муоинаи табибон бо ташхисӣ заҳролудшавӣ аз маводи хӯрока (ҳасиб) дар шӯъбаи эҳёи  Беморхонаи марказӣ бистарӣ карда мешаванд.

Аз тарафи гурӯҳи корӣ бо сардории мутахассиси пешбари бахши гигиенаи хӯрокаи Хадамот Ишратов З.Ф. санаи 14.12.2017 сол дар  муассисаҳои савдои ноҳияи Восеъ ва шаҳри Кулоб санҷиши фаврӣ гузаронида,  42,5 кг ҳасиби нимдудкардашуда истеҳсли ҶДММ “Орзу-2004”-и шаҳри Кӯлоб аз муомилот гирифта шуд.

Барои аз муомилот ва фурӯш гирифтани  ҳама  намуди ҳасибҳои истеҳсли ҶДММ “Орзу-2004”-и  шаҳри Кӯлоб дар шаҳру ноҳияҳои минтақаи Кӯлоб қарор таҳти № 186 аз 104.12.2017 сол бароварда ба директорони МНДСЭ шаҳру ноҳияҳои минтақа барои иҷро ирсол карда шуд. Ҳамзамон барои ташхисӣ санитарию кимиёвӣ 4 намунаи ҳасиби нимдудкардашудаи истеҳсоли ҶДММ “Орзу-2004”-и шаҳри Кӯлоб гирифта, ба ташхисгоҳи ХНДСЭ  ба ш. Душанбе дастрас карда шуд.

Натиҷаи ташхиси санитарию кимиёвӣ аз 16.12.2017 сол нишон медиҳад, ки 3 намунаи ҳасиби нимдудкардашуда аз ҷиҳати нишондодҳои кимиёвӣ (миқдори крахмал ва намнокӣ) аз меъёрҳои муқарраргардида зиёд буда, ба талаботҳои санитарӣ ҷавобгӯй нестанд. Дар як намунаи он бошад, миқдори нитрит аз меъёр ( меъёр 5 мг дар 100 гр.) 0,6 маротиба зиёд мебошад (7,5 мг дар 100 гр.), ки ба салломатии одам хатарнок мебошад.

Айни 5 нафар беморшудагон шифо ёфта, аз беморхона рухсат шудаанд.