Вазорати тандурустӣ ва ҳифзи иҷтимоии аҳолии Ҷумҳурии Тоҷикистон

Дар доираи лоиҳаи беҳтар намудани кумаки техникӣ дар самти ёрии таъҷилӣ таи рўзҳои 17-28 марти соли равон  як гурўҳ намояндагони Вазорати тандурустӣ ва ҳифзи иҷтимоии аҳолии Ҷумҳурии Тоҷикистон ба вилояти Хатлон сафарбар гардиданд.

Гурўҳи корӣ аз вазъи хизматрасонии ёрии таъҷилии  бахши госпиталии беморхонаҳои Ёвон, Темурмалик, Хуросон, А.Ҷомӣ, Ҷ.Балхӣ, Вахш, Дустӣ, Шаҳритуз, Н.Хусрав, Қубодиён, Ҷайхун, Фархор, Ҳамадони, Ш.Шоҳин, Панҷ, Восеъ, шаҳри Кулоб, Муъминобод, Балҷувон ва шаҳри Норак дидан намуда, дар рафти боздид ба беморхонаҳо кўмаки техникӣ низ расонида шуд.

Мавриди зикр аст, ки сафари хизматии намояндагони Вазорати тандурустӣ ва ҳифзи иҷтимоии аҳолии Ҷумҳурии Тоҷикистон дар доираи ҳамкорӣ байни Вазорати тандурустӣ ва ҳифзи иҷтимоии аҳолии Ҷумҳурии Тоҷикистон ва Агентии ҳамкории байналмиллалии Япония (JICA) ташкил гардид.