Бахшида ба фарорасии Соли нави мелодии 2023 ва дар пайравӣ ба иқдомҳои созандаву хайрхоҳонаи Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон имрӯз, 29 декабри соли равон ба бошандагони Муассисаи давлатии “Маркази миллии тавонбахшии кӯдакони маъюб “Чорбоғ” дар ноҳияи Варзоб” туҳфаҳои солинавӣ тақдим карда шуд.
Туҳфаҳои солинавӣ бо баргузор намудани ҳамоиши идона ба бошандагони муассисаи мазкур супорида шуданд, ки дар он роҳбарияти Мақомоти иҷроияи ҳокимияти давлатии ноҳияи Варзоб, намояндаи Вазорати тандурустӣ ва ҳифзи иҷтимоии аҳолии мамлакат, ашхоси саховатманд роҳбарият ва кормандони муассисаи мазкур иштирок намуданд.
Қайд карда шуд, ки дастгирии маъюбон ва дигар табақаҳои ниёзманди аҳолӣ дар арафаи иду ҷашнҳо дар кишвар ба ҳукми анъана даромадааст ва ин иқдоми шоиста дар пайравӣ ва сиёсати инсондӯстона ва ғамхоронаи Пешвои муаззами миллат муҳтарам Эмомалӣ Раҳмон пайваста дар мамлакат роҳандозӣ карда мешавад.