Дар Вазорати тандурустӣ ва ҳифзи иҷтимоии аҳолии Ҷумҳурии Тоҷикистон бо мақсади дар амал ҷорӣ намудани Нақшаи муштараки чорабиниҳои вазорат ва Лоиҳаи USAID оиди бартараф намудани бемории сил дар Тоҷикистон (ФХИ360) дар мавзӯи «Банақшагирӣ, ташкил ва гузаронидани тафтишоти эпидемиологии ҳолатҳои бемории сил» даврҳои омӯзишӣ оғоз гардид.
Ҳадаф аз баргузории даврҳои омӯзишӣ-ин баланд бардоштани иқтидори кадрии кормандони марказҳои назорати давлатии санитарию эпидемиологӣ ва таҳти назорат қарор додани вазъи эпидемиологии бемории сил дар мамлакат мебошад.
Дар даврҳои омӯзишии мазкур мутахассисон аз хадамотҳои назорати давлатии санитарию эпидемиологии вилоятҳо ва шаҳру ноҳияҳои мамлакат иштирок намуданд, ки ба онҳо масъалини соҳа доир ба самтҳои гуногуни мавзӯи «Банақшагирӣ, ташкил ва гузаронидани тафтишоти эпидемиологии ҳолатҳои бемории сил» маълумот пешниҳод менамоянд.
Бояд гуфт, ки даврҳои омӯзишӣ аз 12 феврал оғоз ёфта, то 7 марти соли равон идома меёбанд.
![](https://moh.tj/wp-content/uploads/2018/04/8678.jpg")
