Бо мақсади боз ҳам пурзӯр намудани фаъолият дар самти пешгирии модар ва кӯдак аз сироятёбӣ ба бемориҳои сироятӣ имрӯз, 24 январи соли равон дар Вазорати тандурустӣ ва ҳифзи иҷтимоии аҳолии Ҷумҳурии Тоҷикистон таҳти роҳбари муовини вазир Зулфия Абдусаматзода ҷаласаи корӣ доир гардид, ки дар он роҳбарони як қатор раёсат ва муассисаҳои тандурустӣ ва мутахассисони соҳа иштирок намуданд.
Тавре қайд гардид, пешгирии бемориҳои сироятӣ, хосатан ВНМО, сил ва дигар бемориҳо дар байни модарон ва кӯдакон яке аз масъалаҳои мубрами ҷомеаи ҷаҳонӣ ба шумор рафта, масъалаи мазкур зери таваҷҷуҳи махсуси роҳбарияти Вазорати тандурустӣ ва ҳифзи иҷтимоии аҳолии Ҷумҳурии Тоҷикистон қарор дорад.
Дар ҷаласа ҷиҳати боз ҳам тақвият бахшидани фаъолияти муассисаҳои соҳавӣ ба масъулин дастуру супоришҳои мушаххас дода шуд.