Дар доираи сафари Ноиби губернатори шаҳри Санк-Петербург Анна Митянина ба Тоҷикистон имрӯз, 26-уми сентябр ҳайати фарҳангӣ-соҳибкории Душанбе ва Санк-Петербург бо роҳбарии муовини Раиси шаҳри Душанбе Мавсума Муинӣ ва Ноиби губернатори шаҳри Санк-Петербург Анна Митянина ба Муассисаи давлатии Маҷмааи тандурустии “Истиқлол” ташриф оварда, аз вазъи хизматрасонии ин муассисаи тандурустӣ дидан намуданд.
Меҳмонон аз қисми ташхисгоҳ, ҳуҷраи томогрофияи компютерӣ ва рентген, ҳуҷраи техникӣ, ҳуҷраи муоинаи мамографӣ, идорагоҳ, шуъбаи ангиография, қисми ҷарроҳии нақшавӣ, ҳуҷраи баъд аз ҷарроҳӣ, толори осебшиносию радодӣ, толори ҷарроҳии асаб, толори ҷарроҳии умумӣ, ҳуҷраи ҷарроҳии дилу рагҳои хунгард, шуъбаи наҷот ва муолиҷаҳои оҷил, толори варзишӣ, ташхиси фаросавтӣ, озмоишгоҳи клиникӣ ва биокимиёвӣ, инчунин аз қисми таваллудхона ва қисми соматикии кӯдакона дидан намуданд. Зимни боздид Анна Миянина дастгоҳу таҷҳизотҳои тиббии Муассисаи давлатии Маҷмааи тандурустии “Истиқлол”-ро нодир муаррифӣ намуда, ба вазъи хизматрасонии он баҳои баланд дод.
![](https://moh.tj/wp-content/uploads/2018/04/8678.jpg")
