Сентябр 08
12:14
2017
Дастгирии бевоситаи Ҳукумати Ҷумҳурии Тоҷикистон ба соҳибкорони маҳаллӣ рӯҳу илҳоми тоза бахшида, онҳо мекӯшанд дар корҳои ободониву бунёдкорӣ саҳми худро гузоранд. Бахшида ба ҷашни Истиқлолияти давлатии Ҷумҳурии Тоҷикистон дар деҳаи “Чу-Чу”-и ҷамоати деҳоти Даҳанаи ноҳияи Ёвон бо маблағгузории соҳибкори маҳаллӣ Ҳикматулло Муқимов як бунгоҳи тиббӣ сохта ба истифода дода шуд.
Мувофиқ ба иттилои дастрас бинои мазкур аз 4 ҳуҷра иборат буда, дорои 4 ҷойи кори доимӣ мебошад ва ба зиёда аз 500 хоҷагӣ хизмати тиббӣ мерасонад.
Бунгоҳи тиббии маркуз бо маблағгузории ҳукумати ноҳияи Ёвон бо таҷҳизоти замонавии соҳавӣ ҷиҳозонида шудааст.
Сокинони деҳаи мазкур бар он назаранд, ки дар арафаи иди Истиқлолият орзуи деринаи онҳо амалӣ гардид.