Ҷиҳати татбики “Стратегияи миллии солимии аҳолии Ҷумҳурии Тоҷикистон барои солҳои 2010-2020” ва бо мақсади пешгирии норасои Витами “А” дар байни кўдакон, бо дастур ва супориши Вазорати тандурустӣ ва ҳифзи иҷтимоии аҳолии Ҷумҳурии Тоҷикистон дар шаҳру ноҳияҳои вилояти Хатлон даври якуми тақсимоти ғилофакҳои витамини “А” гузаронида шуд.
Чорабинии мазкур аз санаи 1-уми июни соли равон оғоз гардида то ба 10-уми июн идома ёфт. Тақсимоти ғилофакҳои витамини “А” дар байни кӯдакони синни аз 6 то 59 моҳа сурат гирифт.
Ҷиҳати дар сатҳи баланд гузаронидани чорабинии мазкур ба шаҳру ноҳияҳои вилояти Хатлон 61 804 адад вояи 100 ҳазора барои кӯдакони 6-11 моҳа ва 441 945 вояи 200 ҳазора барои кӯдакони 12-59 моҳа мувофиқи талабот ворид гардида, ба аҳолӣ тақсим карда шуд.
![](https://moh.tj/wp-content/uploads/2018/04/8678.jpg")
