Бо мақсади сазовор истиқбол гирифтани ҷашни 30-солагии Истиқлолияти давлатии Ҷумҳурии Тоҷикистон Агентии давлатии ҳифзи иҷтимоии аҳолии Вазорати тандурустӣ ва ҳифзи иҷтимоии аҳолии мамлакат Нақшаи чорабиниҳо таҳия намудааст.
Тибқи Нақшаи чорабиниҳои таҳиянамудаи Агентии давлатии ҳифзи иҷтимоии аҳолӣ дар Муассисаи давлатии «Хона- интернати беморони руҳии шаҳри Ҳисор» озмунҳои «Ҳуҷраи беҳтарини корӣ», «Фуруғи субҳи доноӣ» ва «Илм – фуруғи маърифат» ба роҳ монда шуд, ки он ҷамъбаст гардид.
Дар озмун кормандони Муассисаи давлатии «Хона интернати беморони руҳии шаҳри Ҳисор» бо завқи баланди корӣ ширкат варзиданд, ки дар охир аз ҷониби роҳбарияти Муассиса бо тўҳфаҳо ва ифтихорномаҳо қадрдонӣ карда шуданд.
Мақсад аз ташкил ва баргузории ингуна чорабиниҳо дар байни ҳамаи қишрҳои ҷомеа барои боз ҳам тақвият бахшидани ҳисси миллӣ, арҷ гузоштан ба арзишҳои миллию фарҳангӣ, инкишофи қобилияти эҷодӣ, таҳкими эҳсоси худогоҳию худшиносӣ мебошад, ки кормандони Муассисаи давлатии «Хона интернати беморони руҳии шаҳри Ҳисор» низ аз ташкил ва баргузории ингуна чорабиниҳои фарҳангӣ хушҳол гардида, баҳри ободии як гўшаи меҳани хеш содиқона фаъолият менамоянд.
![](https://moh.tj/wp-content/uploads/2018/04/8678.jpg")
