5 апрели соли равон дар шаҳри Хоруғ ҷиҳати амалишавии “Нақшаи миллии амалҳо оид ба омодагии Ҷумҳурии Тоҷикистон барои тасдиқ ва амалинамоии Конвенсия дар бораи ҳуқуқҳои маъюбон” семинари омӯзишӣ оғоз гардид, ки дар он муовини вазири тандурустӣ ва ҳифзи иҷтимоии аҳолии Ҷумҳурии Тоҷикистон Шодихон Ҷамшед, сардори Раёсати ҳифзи иҷтимоии вазорат Қудратулло Қурбонов, сардори Раёсати тандурустии ВМКБ, роҳбарони як қатор ташкилотҳои маъюбон иштирок намуданд.
Семинари омӯзишӣ давоми ду рӯз идома ёфта, дар он иштирокчиён як қатор масъалаҳои соҳаро таҳлил ва баррасӣ хоҳанд кард.
Қабл аз оғози семинари мазкур муовини вазири тандурустӣ ва ҳифзи иҷтимоии аҳолии кишвар Шодихон Ҷашед, роҳбарони ташкилотҳои маъюбон бо раиси ВМКБ Ёдгор Файзов мулоқот намуданд.
Зимни мулоқот ҷонибҳо доир ба вазъи маъюбон дар кишвар мубодилаи афкор намуда, ҷиҳати бартараф намудани мушкилот ва камбудиҳои ҷойдошта таклиф ва пешниҳодоти муфид ироа намуданд.
![](https://moh.tj/wp-content/uploads/2018/04/8678.jpg")
