Ба иттилои Хадамоти назорати давлатии фаъолияти фарматсевтӣ ва Раёсату намояндагиҳои ин ниҳод дар саросари кишвар таи соли 2017-ум дар асоси санҷишҳои гузаронидашуда бо мақсади пешгирӣ ва аз муомилот берун кардани доруҳои пастсифат ва муҳлаташон гузашта аз муассисаҳои фармасевтии ҷумҳурӣ 3771 номгуй маводҳои доруворӣ ва молҳои тиббӣ ба миқдори 48295 адад аз муомилот гирифта шуданд, ки аз инҳо 1680 номгуй маводҳои дорувории мӯҳлати истифодабариашон гузашта ба миқдори 13912 адад, 2091 номгуй маводҳои дорувории бе сертификати мутобиқат ба миқдори 34383 ададро ташкил мекунад.
Ба иттилои дастрас дар ин давра аз муассисаҳои табобатию профилактикӣ бошад 1218 номгуй маводҳои доруворӣ ва молҳои тиббӣ ба миқдори 29631 адад аз муомилот гирифта шуданд, ки аз ин 726 номгуй маводҳои дорувории мӯҳлати истифодабариашон гузашта ба миқдори 10449 адад, 492 номгуй маводҳои дорувории бе сертификати мутобиқат ба миқдори 19182 адад, дар асоси санади гирифт аз муомилот гирифта шуданд.
Дар соли равон дар ҷумҳурӣ ҳангоми санҷишҳо аз нуктаҳои савдои маводҳои ороишию гигиенӣ 664 номгуй маводҳои ороишию гигиенӣ муҳлати истифодабариашон гузашта, қалбакӣ, бе сертификати мутобиқат ба миқдори 60366 адад аз муомилот дар асоси санад бозпас гирифта шуданд.
Дар соли 2017-ум аз тарафи Хадамот, Раёсату намояндагиҳои ин ниҳод 62769 кг маводҳои доруворӣ ва молҳои тиббии мӯҳлати истифодабариашон гузашта, бе сертификати мутобиқат ва ба талаботҳо ҷавобгӯй набуда, бо роҳи сӯзонидан несту нобуд карда шудаанд, ки аз ин 27832 кг маводи доруворӣ ва молҳои тиббӣ бо санад гирифта шуда, боқимонда 34937 кг маводҳои доруворӣ ва молҳои тиббии муҳлати истифодаашон гузашта мебошад.
Дар давраи ҳисоботӣ аз тарафи Хадамот, Раёсату намояндагиҳои он 17153кг маводҳои ороишию гигиенӣ ва ғизои кӯдаконаи мӯҳлати истифодабариашон гузашта, бе сертификати мутобиқат, бо роҳи сузонидан несту нобуд карда шудаанд, ки аз ин 2840 кг маводҳои ороишию гигиенӣ ва ғизои кӯдаконаи бо санад гирифта шуда, боқимонда 14313 кг маводҳои ороишию гигиенӣ ва ғизои кӯдаконаи мӯҳлати истифодаашон гузашта, ки бо мактуб аз тарафи соҳибкорон ва дигар ширкатҳо ба Хадамот супорида шудаанд.
Хадамоти назорати давлатии фаъолияти фарматсевтӣ ва Раёсату намояндагиҳои ин ниҳод дар саросари кишвар дар самти назорати қатъии муассисаҳои фармасевтии ҷумҳурӣ баҳри ба муомилот гузоштани дорувориҳои хушсифат ва ба талабот ҷавобгуй фаъолияти густардаеро ба роҳ монда, кор дар ин самт идома дорад.