Вазорати тандурустӣ ва ҳифзи иҷтимоии аҳолии Ҷумҳурии Тоҷикистон

Имрӯз, 17 июни соли равон миёни вазоратҳои тандурустии кишварҳои ИДМ ва як қатор кишварҳои дигар оид ба вазъи бемории COVID-19  видеоконфронс доир гардид.

Дар видеоконфронс муовини вазири тандурустӣ ва ҳифзи иҷтимоии аҳолии Ҷумҳурии Тоҷикистон Самариддин Ализода иштирок намуда, оид ба вазъи бемории COVID-19 дар Тоҷикистон маълумот дод.

Дар идома иштирокчиён роҳҳои пешгирӣ ва табобати беморони COVID-19-ро мавриди баррасӣ қарор доданд.

Зикр намудан ба маврид аст, ки то 16 июн  дар Ҷумҳурии Тоҷикистон 5160  нафар бо ташхиси сирояти коронавируси нави COVID-19   ошкор гардида, аз ин беморӣ то кунун дар мамлакат 3624 (70,2%)   нафар шифо ёфтаанд. Ҳамзамон, то санаи зикргардида дар мамлакат аз ин беморӣ 50 нафар фавтидаанд.