Дар шаҳри Бохтари вилояти Хатлон фаъолияти панҷ адад ҳуҷраҳои дандонпизишкӣ ба хотири риоя накардани қоидаҳои санитарӣ ва истифодаи маводҳои дорувории ба талабот ҷавобгӯ набуда муваққатан қатъ карда шуд.
Дар ин бора аз маркази матбуоти Сарраёсати Хадамоти давлатии тандурустӣ ва ҳифзи иҷтимоии аҳолӣ дар вилояти Хатлон ба moh.tj иттилоъ доданд.
Тибқи иттилои манбаъ, зимни баргузории як санҷиши фаврии мутахассисон дар ҳуҷраҳои дандонпизишкии шаҳри Бохтар маълум гардид, ки дар баъзе аз ҳуҷраҳои дандонпизишкӣ қоидаҳои санитарию гигиенӣ риоя нагардида, ҳамчунин қисмате аз ин ҳуҷраҳо ба таъмир ниёз доранд.
“Дар рафти санҷиш фаъолияти панҷ ҳуҷраи дандонпизишкӣ барои риоя накардани қоидаҳои санитарию гигиенӣ ва таъмирталаб буданашон манъ карда шуда, ҳамчунин нисбати мудири як ҳуҷраи дандонпизишкӣ протоколи ҳуқуқвайронкунӣ тартиб дода шуд”,-афзуд манбаъ.
![](https://moh.tj/wp-content/uploads/2018/04/8678.jpg")
