Июл 23
11:37
2019
Бахшида ба ҷашни 30-солагии Истиқлолияти давлатии Ҷумҳурии Тоҷикистон дар ноҳияи Фархор бунёд ва навсозии 324 иншооти таъйиноташон гуногун ба нақша гирифта шудаанд.
Дар ин бора мудири шуъбаи меъморӣ ва шаҳрсозии мақомоти иҷроияи ҳокимияти давлатии ноҳияи Фархор Саидобид Ҳафизов хабар медиҳад.
Ба иттилои манбаъ, дар баробари сохтмони дигар иншоотҳои гуногун, инчунин 5 маркази саломатӣ, 9 бунгоҳи тиббӣ, 1 адад таваллудхона ва 11 дорухона ба нақша гирифта шудааст.
Айни замон барои сазовор пешвоз гирифтани 30-солагии Истиқлолияти давлатии Ҷумҳурии Тоҷикистон дар тамоми гӯшаву канори мамлакат сохтмони иншоотҳои гуногун, аз ҷумла муассисаҳои тиббӣ бо маром идома дорад.