Имрӯз, 17 июни соли равон дар Вазорати тандурустӣ ва ҳифзи иҷтимоии аҳолии Ҷумҳурии Тоҷикистон таҳти унвони “Фарогирии занони ҳомила ба чорабиниҳои пешгирикунанда оид ба пешгирии сирояти ВНМО аз модар ба кӯдак” машварати онлайнӣ доир гардид, ки дар он муовини вазири тандурустӣ ва ҳифзи иҷтимоии аҳолии Ҷумҳурии Тоҷикистон Зулфия Абдусаматзода, масъулини соҳа ва роҳбарони як қатор муассисаҳои тандурустии шаҳру навоҳии мамлакат иштирок намуданд.
Зулфия Абдусаматзода, муовини вазири тандурустӣ ва ҳифзи иҷтимоии аҳолии мамлакат аснои суханронии хеш масъулинро ба масъалаҳои беҳтар намудани сатҳ ва сифати хизматрасонии тиббӣ ба модарон ва кӯдакон ҷалб намуда, ҷиҳати бартараф намудани мушкилот ва камбудиҳои ҷойдошта ба онҳо дастуру супоришҳои мушаххас дод.
Дар идома иштирокчиён доир ба фарогирии занони ҳомила ба чорабиниҳои пешгирикунанда оид ба пешгирии сирояти ВНМО аз модар ба кӯдак мубодилаи афкор намуданд.
Ҷиҳати тақвият бахшидани корҳо дар ин самт ба масъулин дастуру супоришҳои мушаххас дода шуд.
![](https://moh.tj/wp-content/uploads/2018/04/8678.jpg")
