Бо мақсади баланд бардоштани хизматрасонии босифати тиббӣ айни замон дар тамоми гӯшаву канори мамлакат бунёд, азнавсозӣ ва таъмиру тармими муассисаҳои тандурустӣ бо маром идома дорад.
Махсусан, айни замон дар вилояти Хатлон сохтмони иншоотҳои калонҳаҷми соҳавӣ, ба монанди сохтмони бинои Маркази перинаталӣ дар шаҳри Бохтар, Беморхонаи бисёрсоҳавӣ бо 200 кати бистарикунонӣ ва Маркази саломатӣ бо 300 нафар қабули беморон дар ноҳияи Қубодиён, Маркази табобатии бемориҳои қалб дар шаҳри Бохтар ва Беморхонаи рақамӣ дар ноҳияи Ҷ.Балхӣ идома доранд.
Ҳамзамон, дар вилоят сохтмони бунгоҳ ва марказҳои саломатӣ дар сатҳи деҳот вусъати тоза касб намуда истодаанд.
Бояд гуфт, ки айни замон баҳри хизматрасонии тиббӣ ба аҳолии вилояти Хатлон 115 адад муассисаҳои сохтори госпиталӣ ва 41 адад муассисаҳои амбулаторию госпиталӣ фаъолият намуда истодаанд.
(Дар акс Маркази ташхисии тиббӣ “Дурахш” дар вилояти Хатлон)