13 ноябри соли чорӣ дар шаҳри Хошимини кишвари Ветнам зери унвони “Рушди ҷамъияти фарогир бо роҳи ҷорӣ кардан ва тавсиаи барномаҳои тавонбахшӣ дар сатҳи махаллӣ, мушкилот ва дастовардҳо” Конференсияи III байналмилалӣ ба кори худ шурӯъ намуд.
Дар кори конференсияи мазкур аз Ҷумҳурии Тоҷикистон намояндагони Вазорати тандурустӣ ва ҳифзи иҷтимоии аҳолии Ҷумҳурии Тоҷикистон иштирок доранд.
Барномаи “Тавонбахшӣ дар сатҳи маҳал” дар айни замон яке аз василаҳои муҳими ташаккул ва рушди ҷомеаи фарогир маҳсуб мешавад, ки алҳол дар наздики 80 кишвари ҷаҳон амалӣ мегардад.
Маврид ба зикр аст, ки дар Ҷумҳурии Тоҷикистон аз соли 2010 инҷониб барномаҳои тавонбахшӣ дар сатҳи маҳал аз ҷониби баъзе ташкилотҳои ҷамъиятӣ бо дастгирии созмонҳои байналмиллалӣ, аз ҷумла “Каритаси Олмон” дар самти ташкили кори иҷтимоӣ бо маъюбон, хусусан тавонбахшии кӯдакони маъюб дар якчанд ноҳия амалӣ шудааст.