28 майи соли равон Дафтари Швейтсария оид ба рушд ва ҳамкорӣ ва Каритас Швейтсария ба 60 беморхона ва марказҳои саломатии шаҳри Бохтар ва Кӯлоб, 24 ноҳияҳои вилояти Хатлон 84466 литр собуни моеъ, 15354 кг хлор, 16636 ниқоб, 3040 литр маҳлули антисептикӣ ва 90 либоси махсуси тиббӣ дастрас намуд.
Ин иқдоми Дафтари Швейтсария оид ба рушд ва ҳамкорӣ ва Каритас Швейтсария бо мақсади пешгирии сирояти коронавируси нави КОВИД-19 дар вилояти Хатлон амалӣ карда шуд.
Дар доираи иқдоми мазкур ҳамзамон ба кормандон ва бошандагони доимии хонаи пиронсолони ноҳияи Ёвон низ кӯмак расонида шуд.
Бояд гуфт, ки маводҳои зикшуда дар ҳамкории зич бо Вазорати тандурустӣ ва ҳифзи иҷтимоии аҳолии Ҷумҳурии Тоҷикистон ва Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон ба роҳ монда шуд.
Маврид ба зикр аст, ки Дафтари Швейтсария оид ба рушд ва ҳамкорӣ мақомоти техникии Департаменти Федералии корҳои хориҷии Конфедератсияи Швейтсария мебошад. Дафтари Швейтсария оид ба рушд ва ҳамкорӣ барои ҳамкории умумии фаъолиятҳо дар кишварҳои рӯ ба инкишоф ва кишварҳои Аврупои Шарқи масъул аст.
![](https://moh.tj/wp-content/uploads/2018/04/8678.jpg")
