Баъди шифо ёфтан ва рухсат шудани шаҳрвандон Муассисаи давлатии “Пажӯҳишгоҳи гастроэнтерологияи Ҷумҳурии Тоҷикистон” ба ҳолати муқаррарии корӣ бармегардад.
Имрӯз, 4 июни соли равон дар муассисаи мазкур корҳои безараргардонӣ гузаронида шуда, дар назар аст, ки рӯзҳои наздик он ба фаъолияти муқаррарӣ баргардад.
Таи чанд рӯз аст, ки дар саросари мамлакат ба фаъолияти муқаррарии корӣ баргардонидани қисме аз муассисаҳои тандурустӣ, ки як муддати муайян дар онҳо гумонаброни сирояти каронавируси нави КОВИД-19 табобат мегирифтанд, идома дорад.
Маврид ба зикр аст, ки чанде қабл Муассисаи давлатии “Маркази ҷумҳуриявии клиникии бемориҳои дил” ва Маркази бемориҳои урологӣ, воқеъ дар Муассисаи давлатии “Маркази миллии тиббии Тоҷикистон “Шифобахш” ва бахши таваллудхонаи Муассисаи давлатии Маҷмааи тандурустии “Истиқлол”, ки як муддати муайян ба муоинаву муолиҷаи гирифторони бемории каронавируси нави КОВИД-19 машғул буданд, ба фаъолияти муқаррарии корӣ баргардонида шуданд.
Ба иқрори мутахассисони соҳа, давоми рўзҳои охир дар аксар минтақаҳои мамлакат, бахусус дар пойтахти кишвар шаҳри Душанбе ҳолатҳои сироятёбии сокинон ба бемории КОВИД -19 то андозае поён рафта, ҳамзамон, муроҷиати шаҳрвандони мамлакат низ ба муассисаҳои тиббии кишвар бо нишонаҳои сироятёбӣ ба ин беморӣ кам шудааст.
Мутахассисони соҳа бар он назаранд, ки дар Ҷумҳурии Тоҷикистон давраи авҷи сироятёбии сокинон ба бемории кираонавируси нави КОВИД-19 паси сар шудааст.