Имрӯз, 30 октябри соли равон кормандони дастгоҳи марказии Вазорати тандурустӣ ва ҳифзи иҷтимоии аҳолии Ҷумҳурии Тоҷикистон рафти маросими савгандёдкунии Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмонро, ки дар “Кохи Сомон”-и шаҳри Душанбе доир гардид, дастаҷамъона тамошо намуданд.
Сарвари давлат муҳтарам Эмомалӣ Раҳмон дар ҷараёни савгандёдкунӣ қайд намуданд, ки дар ин лаҳзаҳои пурифтихор бо камоли эҳтиром ва муҳаббату садоқати фарзандӣ ба тамоми мардуми шарифи Тоҷикистон ва ҳамватанони бурунмарзиамон, ки рӯзи 11 октябри соли равон дар чорабинии бисёр муҳимми сиёсӣ – интихоботи Президенти Ҷумҳурии Тоҷикистон эътиқоду бовари бузург зоҳир намуда, сарнавишти худ ва тақдири мамлакатро ба дӯши ман вогузор карданд, сипоси бепоён ва миннатдории самимӣ баён менамоям.
Бояд гуфт, ки маросими савгандёдкунии Пешвои муаззами миллатро дар баробари кормандони касбу кори гуногуни кишвар, ҳамзамон, кормандони соҳаи тандурустӣ низ дастаҷамъона тамошо намуданд.