Вазорати тандурустӣ ва ҳифзи иҷтимоии аҳолии Ҷумҳурии Тоҷикистон

Бо мақсади пешгирии интиқол ва паҳншавии бемории коронавируси нави Covid-19 маводҳои доруворӣ ва ҳифзкунандае, ки ҳамчун кӯмаки башардӯстона аз Ҷумҳурии Ӯзбекистон ба Тоҷикистон ворид гардиданд, ба як қатор муассисаҳои тандурустии мамлакат тақсим карда шуданд.

Маводҳои доруворӣ ва ҳифзкунанда аз қабили либоси махсуси муҳофизатии сатҳи 1, либоси махсуси муҳофизатии сатҳи 2, ниқоби махсуси муҳофизатӣ (респиратор), дастпӯшакҳои якбормасрафшаванда, айнакҳои муҳофизатӣ, гидроксихлорохин 100мг, №100 ва  ғайра ба Беморхонаи марказии шаҳри Ваҳдат, Беморхонаи марказии шаҳри Роғун, Беморхонаи марказии шаҳри Турсунзода, Беморхонаи марказии шаҳри Ҳисор, Беморхонаи марказии ноҳияи Рӯдакӣ, Беморхонаи марказии ноҳияи Файзобод, Беморхонаи марказии ноҳияи Шаҳринав, Беморхонаи марказии ноҳияи Варзоб, Беморхонаи марказии ноҳияи Тоҷикобод, Беморхонаи марказии ноҳияи Сангвор ва як қатор муассисаҳои дигари шаҳру ноҳияҳои мамлакат тақсим карда шуданд.

Маврид ба зикр аст, ки  маводҳои доруворӣ ва ҳифзкунанда, ки  ҳамчун кӯмаки башарӯстона аз ҷониби созмону ташкилотҳои байналмилалӣ ва давлатҳои алоҳида ба Ҷумҳурии Тоҷикистон ворид гардиданд, тибқи талабот аз ҷониби Вазорати тандурустӣ ва ҳифзи иҷтимоии аҳолии мамлакат ба муассисаҳои тандурустӣ  тақдим карда мешаванд.