Бо мақсади таъмин намудани муассисаҳои табобатию пешгирӣ бо таҷҳизоти тиббии муосир ва ба ин васила баланд бардоштани сатҳ ва сифати хизматрасониҳои тиббӣ ба аҳолӣ дар нимсолаи аввали соли равон аз ҷониби Вазорати тандурустӣ ва ҳифзи иҷтимоии аҳолии Ҷумҳурии Тоҷикистон ба 68 муассисаҳои табобатию пешгирии ҷумҳурӣ зиёда аз 80 номгўи маводи доруворӣ, мебел, таҷҳизот ва молҳои тиббӣ ба маблағи умумии 9 миллиону 660 ҳазору 673 сомонӣ дастрас карда шуд
Аз ҷумла ба муассисаҳои табобатию пешгирии вилояти Вилояти Мухтори Кӯҳистони Бадахшон таҷҳизот ва молҳои тиббӣ ба маблағи умумии 2 миллиону 581 ҳазору 240 сомонӣ, ба муассисаҳои табобатию пешгирии вилояти Хатлон маводи доруворӣ, мебел, таҷҳизот ва молҳои тиббӣ ба маблағи умумии 3 миллиону 42 ҳазору 226 сомонӣ дастрас гардид.
Дар ин давра ба муассисаҳои табобатию пешгирии вилояти Суғд маводи доруворӣ, мебел, таҷҳизот ва молҳои тиббӣ ба маблағи умумии 1 миллиону 67 ҳазору 462 сомонӣ, ба муассисаҳои табобатию пешгирии сатҳи ҷумҳуриявӣ маводи доруворӣ, мебел, таҷҳизотҳо ва молҳои тиббӣ ба маблағи умумии 2 миллиону 112 ҳазору 897 сомонӣ, ба муассисаҳои табобатию пешгирии шаҳри Душанбе маводи доруворӣ, мебел, таҷҳизот ва молҳои тиббӣ ба маблағи умумии 683 852 сомонӣ ва ба муассисаҳои табобатию пешгирии шаҳру ноҳияҳои тобеи ҷумҳурӣ маводи доруворӣ, мебел, таҷҳизот ва молҳои тиббӣ ба маблағи умумии 172 996 сомонӣ аз ҷониби Вазорати тандурустӣ ва ҳифзи иҷтимоии аҳолии Ҷумҳурии Тоҷикистон супорида шуд.